ATIVITÀ DL CLUB
L club Nudé Gherdëina alenea 9 grupes (76 atlec y atletes tl età danter i 5 y i 15 ani) da 2 a 3 iedesc a ena da setëmber a juni. Ala gares VSS (Federazion dla assoziazions sportives dla Provinzia autonoma de Bulsan) vën i/la nudadëres plù Jëuni/es nviëi/nviëdes ite ala cumpetizions te na maniera da fé damat: duc possa tò pert, ma deguni vën sfurzei a tò pert.
Do 2 o 3 ani vën i mutons y la mutans scric ite ala FIN (Federazion Taliana Nudé) y tol pert a gares tl Südtirol, Trentin y a Dispruch. Chëi ie pona ënghe la prima streda per i campions dl daunì che tulerà pert a garejedes nazioneles y internaziuneles.
Sëns de purtenienza
La partezipazion a garejedes sustën l sëns de purtenienza ala grupa. Sëuraprò al alenamënt tl'ega, pieta l club ënghe na preparazion atletica a sut, per cunsentì ai atlec y ala atletes dl club de se ancunté ënghe ora tl'ega per pudëi se cunëscer miec y svilupé nscì nueva amezizies.
